ياجر قلبي

[ديمه]

ياجر قلبي من عنا الوقت جراه =جرت سيول الوسم لبيوت جده
مزنن من المنشا عليهم نثر ماه = سيله كما الطوفان محدن يرده
سيله غزير وفيه كثرة ضحاياه = كم ضاعت انفس بين جزره ومده
تبدلت اعيادهم بالمعاناه =كلن فقد حيه وثوبه يقده
ويازوع كبدي زوع من تاهت ارياه =يزوع كبده كل الاقراب ضده
عقب الموده صارو اقرابه اعداه =جاه الجفا من صلب عده وجده
وياونتي ونت مريض نقل داه = فيه المرض مزمن الجسمه يهده
على اللذي من بدت الخلق منساه = لو كان متعبني بهجره وصده
قربه ربيع القلب مابه مراواه = وبعده دهر قلبي وعينن توده
هذي ثمان سنين وانا برجواه =وصدري من الاحزان بيح بسده
عيني تبي شوفه وقلبي تمناه = ياليت خلي شاف قلب ن يوده
حلفت منسى نور عيني و ذكراه =وعيني نظرها لغيرهم ماتلده
يحتاج قلبي في فراقه مواساه= ياويل من سود الليالي تحده